鴛鴦(嘢飲) | 食品添加物合法業者資訊網

依家只要是旦走入一間港式茶餐廳都可以嘆到美味又有特色嘅鴛鴦。佢嘅最正宗份量，其實係有口訣，就係：「七茶三啡適量奶」，即係有七份係 ...

出自維基百科，自由嘅百科全書

鴛鴦係創製自香港大牌檔西茶檔攤嘅特色嘢飲。其實即係咖啡、紅茶同埋淡奶嘅混合飲品。依家[咩時候？]只要是旦走入一間港式茶餐廳都可以嘆到美味又有特色嘅鴛鴦。

佢嘅最正宗份量，其實係有口訣，就係：「七茶三啡適量奶」，即係有七份係西式紅茶，三份係咖啡（至於紅茶同埋咖啡各自嘅沖調份量就要因應唔同師傅嘅方法而論），再加入適量嘅淡奶；如果係冷飲就會加白糖漿，哩樣嘢水吧方面會代勞，但係熱飲就要隨自己喜好而加入砂糖，糖尿病嘅人，可以加入代糖。如果嗌冷飲又唔可以飲太甜嘅話，可以喺落單時講明要「少甜」。

近年[咩時候？]仲發展出一種叫做「鴦走」嘅沖調方法，即係當熱飲嗰陣時，將淡奶轉為煉奶；因為煉奶本身已經有甜味，所以熱鴛鴦嚟到檯時係唔需要加糖，只要用支茶匙搞一搞混和一下就可以飲。

有款畀細路飲嘅「鴛鴦」就係用阿華田溝好立克整成，因為阿華田同好立克都冇咖啡因，所以啱細路。